Myndband frá Reykjum -7.bekkur
Í dag koma 7. bekkingar heim frá vikudvöl á Reykjum. Þau leggja af stað um hádegi og eru væntanleg í Sjálandsskóla um kl.14:30.
Í gær fengum við eftirfarandi bréf frá kennurunum:
Nú höfum við dvalið í skólabúðunum í fjóra daga. Það er samdóma álit allra að hér er gott að vera. Krakkarnir hafa nóg fyrir stafni í íþróttum, sundi, stöðvaleik, kennslu á byggðasafninu og náttúrufræði. Í gær sá Sjálandsskóli um kvöldvökuna og voru nemendur okkar rosalega duglegir að skipuleggja atriði og leiki. Maturinn á Reykjum er „legendary“ skv. nemendum. Feður og mæður takið upp matreiðslubækurnar því það verður erfitt að standast samanburðinn.
Nemendur í Sjálandsskóla og Grundaskóla hafa nýtt vikuna til að kynnast hverjum öðrum. Þessa viku er stærsti hópur vetrarins í skólabúðunum en dagskráin gengur öll eins og í sögu. Stjórnendur skólabúðanna eru afar ánægðir með þessa flottu krakka sem hér dvelja.
Meðfylgjandi myndband sýnir brot af því sem krakkarnir eru að fást við þessa dagana.