Í Sjálandsskóla er lögð áhersla á skapandi skólastarf og er mikið um þemavinnu. Sem dæmi má nefna að samfélags- og náttúrugreinar eru allar kenndar í þemavinnu. Þá er einnig öflug list- og verkgreinakennsla í skólanum þar nemendur fá tækifæri til að...

Í dag fengu strákarnir í 9. bekk góða heimsókn þegar teymi hjúkrunarfræðinga og sjúkraliða kom og kynnti þessi mikilvægu störf á skemmtilegan hátt í vinnusmiðjum

Á morgun hefja sex nemendur frá Úkraínu nám hjá okkur í unglingadeild Sjálandsskóla. Krakkarnir komu í dag ásamt foreldrum sínum, að skoða skólann. Jafnframt höfum við fengið úkraínskan kennara sem mun starfa í unglingadeild skólans.

Þessa vikuna eru danskir og eistneskir nemendur og kennarar í heimsókn í unglingadeild. Heimsóknin tengist Nordplus verkefni sem skólinn tekur þátt í ásamt tveimur skólum frá þessum löndum.

Í dag voru nemendur í 1.og 2.bekk að undirbúa sig fyrir Eurovision og bjuggu til plaköt og skraut fyrir Eurovision partý kvöldsins.

Lokahátíð Stóru upplestrarkeppninnar fór fram í Álftanesskóla á mánudag. Þar lásu nemendur úr 7.bekk úr Álftanesskóla, Flataskóla, Hofsstaðaskóla, Sjálandsskóla og Urriðaholtsskóla.

Í dag var rýmingaræfing hjá okkur í Sjálandsskóla og gekk æfingin vel. Það tók innan við þrjár mínútur að rýma skólann. Slökkviliðið tók þátt í æfingunni þar sem þeir voru að prófa viðbragðstímann sinn.

Nú er orðið vorlegt hjá okkur í Sjálandsskóla og má sjá blóm og vorskreytingar um alla glugga í skólanum. Á myndasíðunni má sjá nokkrar blómaskreytingar í skólanum.

Í vikunni fóru nemendur í unglingadeild í plokkleiðangur og tíndu rusl umhverfis skólann. Á myndasíðunni má sjá myndir frá plokkinu ​

Þessa vikuna er umhverfisvika og þá ætlum við að hreinsa í kringum skólann okkar. Allir nemendur taka þátt og er skólalóðinni og umhverfi skólans skipt á milli árganga.

Nemendur í 4.bekk eru að vinna með barnasáttmálann og í fær fóru þau og gáfu börnum frá Úkraínu dót sem þau eru hætt að nota. Börnin fengu svo dótið afhent í gærkvöldi.

Í síðustu viku komu fulltrúar frá Kiwanis og afhentu öllum nemendum í 1.bekk nýja reiðhjólahjálma. Það er árlegur vorglaðningur að fá Kiwanis-menn í heimsókn og vöktu hjálmarnir mikla lukku hjá nemendum.