Heim Beint á efnisyfirlit síðunnar

Skólahjúkrunarfræðingur er Ingibjörg Ásta Claessen. 
Netfang: sjalandsskoli (hjá) heilsugaeslan.is

Viðverutími skólahjúkrunarfræðings
Fyrir hádegi mánudaga, þriðjudaga og fimmtudaga.

Skólaheilsugæsla er hugsuð sem framhald af ung- og smábarnavernd. Starfsemi heilsuverndar grunnskólabarna er skv. lögum, reglugerðum og tilmælum sem um hana gilda. Hún er meðal annars fólgin í reglubundnum skimunum og eftirliti, ónæmisaðgerðum, heilbrigðisfræðslu, forvörnum og teymisvinnu kringum einstök mál.
Heilsugæsla Sjálandsskóla er á vegum Heilsugæslunnar í Garðabæ s:513-5500

Markmið með heilsugæslu í skólum
Stuðla að því að börn fái að þroskast við bestu andlegu, líkamlegu og félagslegu skilyrði sem völ er á. Til þess að vinna að markmiði þessu er fylgst með börnunum svo að möguleg frávik finnist og viðeigandi ráðstafanir verði gerðar sem fyrst. Áhersla er lögð á að fyrst og fremst beri foreldrar ábyrgð á heilsu og þroska barna sinna, en starfsfólk heilsugæslu í skólum fræði, hvetji og styðji foreldra í hlutverki sínu. Á heimasíðu Landlæknis má finna nánari upplýsingar um heilsuvernd grunnskólabarna, bólusetningar(ónæmisaðgerðir), skimanir(skólaskoðun) og ráðleggingar til foreldra um heilbrigðistengd málefni.

Ef óhapp eða slys verða á skólatíma sér starfsfólk skólans um fyrstu hjálp. Þurfi nemandi að fara á heilsugæslustöð eða slysadeild skulu foreldrar/forráðamenn fara með barninu. Ekki er ætlast til að óhöppum sem gerast utan skólatíma sé sinnt af skólaheilsugæslunni

Hér á heilsuveru má finna nánari upplýsingar um heilsuvernd skólabarna
Fræðsluefni/ráð til foreldra
Höfuðlús
Njálgur

English
Hafðu samband