Að undanförnu hafa nemendur í 5. – 6. bekk verið að vinna við tónsköpun í tónmennt. Nemendur hafa í hópum samið tónlist við söguna Júlíus eftir frönsku höfundana Anne-Marie Chapouton og Jean Claverie í þýðingu Thors Vilhjálmssonar. Hver hópur valdi sér ákveðinn hluta bókarinnar og samdi og æfði við hann tónlist sem var síðan tekin upp. Að lokum var tónlist allra hópanna í hverjum umsjónarbekk sett saman við myndir af blaðsíðum bókarinnar.