Af vef Garðabæjar:

Frístundabíll

Frístundabíllinn hefur það hlutverk að keyra börn frá tómstundaheimilum grunnskóla í íþrótta- og tómstundastarf.  Svo að börn geti nýtt sér frístundabílinn þarf að kaupa ferðir í bílinn, annað hvort eina önn í einu eða allt skólaárið.  Hægt er að kaupa ferðirnar á  fristundabill.gardabaer.is og ganga frá greiðslu þar.   

Slegin er inn kennitala barnsins og þá kemur nafn þess upp sjálfkrafa. Þá er skóli barnsins valinn og lengd þjónustu sem kosið er að kaupa (ein önn eða allt skólaárið). Á upplýsingasíðu þarf að fylla inn netfang og símanúmer og velja hvort kosið er að greiða með kreditkorti eða fá greiðsluseðil sendan í heimabanka. Í lokin er gengið frá greiðslu og þá er hægt að prenta út eða fá greiðslustaðfestingu senda í tölvupósti.  Þessa staðfestingu getur barnið haft með sér til að sýna að búið sé að greiða fyrir aðgang að frístundabílnum, nafn barnsins verður einnig á lista hjá bílstjóranum og er því nóg að barnið segi til nafns til þess að nota bílinn.  Garðakortin sem notuð hafa verið undanfarin ár hafa verið tekin úr notkun.

Frístundabíllinn ekur á starfstíma skólanna alla virka daga kl. 14.15-17:30 frá 29. september til 20. desember á haustönn og frá 3. janúar til og með 7. júní með hléi í páskafríinu á vorönn.  Frístundabíllinn ekur í vetrarfríi skóla í febrúar sem og á starfsdögum skóla í Garðabæ.

Leiðakerfi

Leið1: Bíll fer eina ferð fram og til baka frá Mýrinni til Sjálandsskóla með viðkomu í Klifinu/Holtsbúð, Tónlistarskóla og Ásgarði á hverjum 30 mínútum. Fyrsta ferð dagsins er frá Mýrinni kl. 14:15 og síðasta ferð frá Mýrinni er kl. 17:15 
Leið 2: Annar bíll fer eina ferð frá tómstundaheimilinu á Álftanesi á hverjum 60 mínútum með viðkomu í Ásgarði, Tónlistarskólanum og endastöð í Mýrinni. Fyrsta ferð er frá Álftanesi kl. 14:40 

Skráning í frístundabílinn er á fristundabill.gardabaer.is. 

Spurningar má senda á sunnas@gardabaer.is

Gjaldskrá

Tímatafla

Mínútur yfir heila tímann frá kl. 14.15 frá Mýrinni (leið 1) og frá kl. 14:40 frá Álftanesi (leið 2)

Ath. síðasta ferð dagsins er frá Mýrinni kl. 17.15 og endar í Sjálandsskóla kl. 17.30 (leið 1). 
Síðasta ferð á Álftanes (leið 2) er kl. 17:20 frá Mýrinni og 17:25 frá Ásgarði. Mán-fim er aukaferð kl. 16:15 frá Álftanesi.

- See more at: http://www.gardabaer.is/thjonusta-i-gardabae/ithrottir/fristundabill/#sthash.zO0WUBHv.dpuf

Frístundabíllinn

Frístundabíllinn hefur það hlutverk að keyra börn frá tómstundaheimilum grunnskóla í íþrótta- og tómstundastarf.

Frístundabíllinn ekur alla virka daga kl. 14.15-17.15

Bíllinn fer eina ferð fram og til baka á hverjum 30 mínútum. Fyrsta ferð dagsins er frá Mýrinni kl. 14.15 og síðasta ferð frá Mýrinni er kl. 17.15.

Afdrep undan veðri er í anddyrum íþróttahúsanna.