Rafbókargjöf til grunnskólanema

Rafbókagjöf til grunnskólanema 

Í október fengu grunnskólanemar í gjöf átta bækur á rafbókaformi eftir Þorgrím Þráinsson sem þeim er frjálst að sækja á rafbókaveitunni Emma.is og lesa eins og þá listir. Bækurnar átta höfða til breiðs hóps lesenda allt frá 1. til 10.bekkjar.

Á bak við bókagjöfina standa Þorgrímur Þráinsson og aðstandendur rafbókaveitunnar emma.is sem vilja með þessu hvetja krakka og unglinga til aukinns yndislesturs. Nýlegar kannanir sýna að krakkar og ungt fólk lesa sjaldnar en áður. Margt annað en meira freistandi en að taka sér bók í hönd er og sú staðreynd var upphaf þessa samstarfs; Þorgríms og Emmu. Lestur á rafrænu formi er góður og gildur og opnar jafnmargar dyr og lestur hefðbundinnar bókar. 

Starfmenn Emmu hafa unnið að því í sumar að færa eldri bækur Þorgríms Þráinssonar á stafrænt form og gera úr þeim rafbækur sem hægt er að lesa á öllum lestækjum og tölvum svo sem iPad, iPod touch, Kindle, snjallsímum með Android eða Windows, PC tölvum eða Mac. Bækurnar sem Emma og Þorgrímur gefa eru: 
- Með fiðring í tánum (frá 1998), 
- Bak við bláu augun (1992), 
- Lalli ljósastaur (1992), 
- Spor í myrkri (1993), 
- Sex augnablik (1995), 
- Svalasta 7an (2003), 
- Undir 4 augu (2004) 
- Litla rauða músins (2008). 

Það er von Þorgríms og aðstandenda Emmu að þessi veglega bókagjöf hvetji grunnskólanemendur til þess að lesa meira og nýta sér nýja tækni til lestursins. Bækurnar er hægt að sækja á emma.is frítt skólaárið 2012-2013. Þar er einnig að finna leiðbeiningar um hvernig hægt er að lesa rafbækur í ýmsu tækjum.

Skólayfirvöld, foreldrar og síðast en ekki síst krakkar eru hvattir til þess að nýta sér þetta einstaka tækifæri -- og hlaða bókunum niður og lesa þær aftur og aftur.

Hægt er að hlaða niður rafbókunum á www.emma.is

Rafkápukeppni  Emmu
Bækurnar átta eru bækur sem Þorgrímur hefur skrifað og gefið út á síðastliðnum 20 árum. Kápur bókanna eru þær sömu og þegar þær voru gefnar út á prenti. Flestar þeirra mættu fá andlitslyftingu.


Emmu og Þorgrími datt því í hug að setja af stað rafkápukeppni til þess að gefa bókunum nýtt andlit fyrir nýja kynslóð. Við viljum því skora á skapandi skólakrakka að setjast niður og hanna nýjar kápur á eina eða fleiri bækur . Bækurnar sex sem þurfa nýja kápu eru: Bak við bláu augun, Undir 4 augu, Sex augnablik, Svalasta 7an, Með fiðring í tánum og Spor í myrkri. 
Sendu inn tillögu fyrir 1.des og þín kápuhönnun gæti orðið nýja andlit rafbókarinnar næstu árin! 


Kynntu þér málið á emma.is/rafkapur