Í gær fóru nemendur í 7.bekk á kajak með Helga skólastjóra. Veðrið var fjölbreytt og fengu sumir hóparnir sól og blíðu en aðrir haglél og rok. En krakkarnir létu það ekki á sig fá og skemmtu sér vel

I morgun fékk 5.-6.bekkur gesti frá Lionsklúbbnum Eik sem stóðu fyrir Vímuvarnarhlaupinu sem 5. bekkur tók þátt í. Andrea Sif Pétursdótir íþróttakona Garðabæjar spjallaði við þau um sinn feril og mikilvægi þess að stunda æfingar af samviskusemi og...

Í dag sýndi 7.bekkur leiksýningu sem byggir á bókinni Frá Róm til Þingvalla. Leikritið fjallar um nokkra atburði í mannkynssögunni og sögusviðin eru Róm, Egyptaland, Ísland og Noregur.

3.-4. bekkur er í þema um fiska umhverfis Ísland og eru þau búin að nýta útikennsluna í þetta skemmtilega þema. Þau krufu m.a. ýmsar fiskitegundir, krítuðu fiska í raunstærð, bjuggu til báta og grilluðu fisk með grænmeti í Gálgahrauni.

Í dag fengu nemendur í 1.bekk endurskinsvesti frá Landsbjörgu. Slysavarnarfélagið Landsbjörg gefur öllum skólum á landinu endurskinsvestin til að nota í vettvangsferðum barna í 1.bekk

Í síðustu viku komu tveir tónlistarkennarar frá Tónlistarskóla Garðabæjar og kynntu starfsemi skólans fyrir nemendur í 1.-4.bekk. Þeir spiluðu á básúnu og klarinett og Emil Snær, nemandi í 9.bekk spilaði einnig á trompet.

Í hverjum mánuði eru veitt verðlaun þeim bekkjarhópi sem stendur sig best í sorpflokkun og verðlaun fyrir aprílmánuði fengu 1.-2.bekkur. Þau fengu í verðlaun súkkulaðiköku sem þau snæddu í nestistímanum í dag.

Í dag var slæmur hárdagur hjá okkur í Sjálandsskóla. Þá mættu nemendur og starfsfólk illa til höfð, með hárið út í loftið :-) Á myndasíðunni má sjá myndir frá slæma hárdeginum

Í tilefni af grænfánaverkefniu sem skólinn tekur þátt í, þá sömdu og sungu nemendur lag. Allir nemendur skólans komu að laginu. Sumir sömdu textann, sumir laglínuna og aðrir ýmist sungu, hrópuðu, klöppuðu eða spiluðu.

Í gær héldu nemendur í unglingadeild árshátíð í Sjálandsskóla. Kvöldið hófst með kvöldverði í skólanum þar sem boðið var upp á kalkún og gómsætar kökur í eftirrétt, sem nemendur bökuðu sjálfir. Síðan voru skemmtiatriði, frá nemendum og kennurum og ...

Í gær sýndi 3.-4.bekkur leikrit í morgunsöng. Leikritið var á ensku og hafa krakkarnir verið að æfa það í enskutímum. Á myndasíðunni má sjá myndir frá leikritinu.