Á morgun, fimmtudag 30.maí, er uppstigningardagur og á föstudaginn er skipulagsdagur. Þar er því löng helgi framundan hjá nemendum og eftir helgi taka við vorleikar, inni-og útilegur og skólaslit.

Í gær fóru nemendur í 6.bekk á kajak. Nemendur sigldu meðfram ströndinni og gekk siglingin vel. Á myndasíðunni má sjá myndir frá kajakferðinni

Í morgun fengum við góðan gest í morgunsöng, þegar Ævar vísindamaður kom og las upp úr nýrri bók sinni, Óvænt endalok.

Síðustu daga hafa nemendur í 7.bekk farið í hjólaferð og út á kajak. Á myndasíðunni má sjá myndir frá ferðum þeirra í góða veðrinu

Í dag komu væntanlegir nemendur í 1.bekk í heimsókn til okkar í það sem við köllum Vorskólinn. Þar fá krakkarnir tækifæri til að kynnast kennurum og nemendum í 1.bekk. Þau vinna verkefni og fara í útivist með nemendum í 1.bekk

Nú eru komnar margar nýjar myndir frá útikennslu í 1.og 2.bekk inná myndasíðu skólans.

Þessa vikuna og þá næstu eru nemendur í unglingadeild að vinna við vorverkefnið sitt. Nemendur velja sér eigið viðfangsefni, afla sér upplýsinga um það og kynna það á miðvikudag í næstu viku​.

Nemendur í 2.bekk hafa verið að vinna með formin í stærðfræði. Í útikennslu í dag fóru þeir út með ipada og mynduðu hin ýmsu form í umhverfinu.

Nemendur í 5. bekk hafa verið að vinna með þema um miðaldir. Í vikunni voru krakkarnir að leggja lokahönd á miðaldarbók sem þau bjuggu til.

Nemendur í 4.bekk voru með sandkastalakeppni á Ylströndinni í gær. Þar voru byggð margs konar mannvirki eins og sjá má á myndasíðu 4.bekkjar.

Nemendur í 4.bekk hafa verið að semja tónlist við vögguvísur í tónmennt undanfarnar vikur. Í morgun fengum við að heyra afraksturinn í morgunsöng þar sem krakkarnir sungu og spiluðu frumsamin verk.

Sumarlestur Bókasafns Garðabæjar hefst laugardaginn 25. maí með opnunarhátíð kl. 11 – 15. Ævar Þór rithöfundur kemur og les upp úr nýju bókinni sinni kl. 14 og Ilva Krama verður með krítarsmiðju og andlitsmálun á torginu.