Sumarlestur á Bókasafni Garðabæjar

Sumarlestur á Bókasafni Garðabæjar hefst laugardaginn 26.maí, en þá verður Dr.Bæk á torginu. Ævar Þór rithöfundur kemur og les úr nýrri bók og skráning í sumarlestur hefst, lestrardagbækur afhentar. Sumarlestur verður með svipuðu sniði og í fyrra, börnin skrá lesturinn, koma og fá límmiða á bókasafninu og setja umsagnarmiða í lukkukassann, á föstudögum verður síðan dreginn út lestrarhestur vikunnar sem fær bók í verðlaun. Allir virkir þátttakendur fá glaðning á lokahátíðinni 1. september.