Nordplus -samstarfsverkefni

Í síðustu viku fóru nokkrir nemendur í 10.bekk til Danmerkur í tengslum við Nordplusverkefni sem skólinn tekur þátt í.

Sjálandsskóli tekur nú þátt í skemmtilegu og áhugaverðu verkefni á vegum Nordplus en verkefnið gengur út á að nemendur vinna að sjálfbærri þróun í umhverfi sínu og leita lausna við þeim með því að skoða nærumhverfi sitt. Verkefnið er unnið með skólum frá Danmörku og Eistlandi.

Í nóvember 2021 fór Sjálandsskóli með 11 nemendur til Eistlands þar sem þau hittu nemendur frá Danmörku og Eistlandi. Þar var unnið í allskonar verkefnum tengdum sjálfbærri þróun og rætt hvað þau geta gert betur. Einnig fengu nemendur að skoða þrjá borgir í Eistlandi, Pårnu, Tartu og Tallin.

Í síðustu viku fóru nokkrir nemendur í 10.bekk til Danmerkur og var þar svipuð dagskrá. Þar var lögð mikil áhersla á hvað hægt er að gera til að halda sjónum hreinum og hversu mikilvægur sjórinn er fyrir okkur.

Í maí 2022 munu síðan nemendur frá Danmörku og Eistlandi koma í heimsókn til Íslands og eru stjórnendur og kennarar í Sjálandsskóla að vinna á fullu í að búa til skemmtilega og lærdómsríka dagskrá fyrir þá daga.

Sjálandsskóli hefur áður tekur þátt í svona verkefni en árið 2018 tók skólinn þátt í verkefninu ,,Blast The Plast", verkefni sem gekk út á að finna lausnir við notkun okkar á plasti.

Við í Sjálandsskóla teljum mikilvægt að taka þátt í slíkum verkefnum, bæði til að efla tengslanet við skóla erlendis og einnig er þetta góð reynsla og vitundarvakning fyrir ungmenni.