Viðurkenning í friðarveggspjaldakeppni

Lára Kristín Agnarsdóttir, nemandi í 7.bekk í Sjálandsskóla, hlaut viðurkenningu í Alþjóðlegu friðarveggspjaldakeppni Lions. 

Friðarveggspjaldakeppnin var fyrst haldin 1988 og markmiðið er að gefa grunnskólanemendum tækifæri til að koma á framfæri hugmyndum sínum um heimsfrið. Um 600.000 börn frá 75 löndum taka þátt í keppninni árlega sem er opin fyrir grunnskólabörn á aldrinum 11-13 ára.

Hvert ár er valið þema til að vekja ímyndunarafn nemendanna. Tjáning, listrænt gildi og frumleiki eru þau þrjú viðmið sem notuð eru til að meta veggspjöldin. Þemað þetta árið var: Þorðu að láta þig dreyma. 

Í Alþjóðakeppninni eru meðlimir lista-, mennta-, fjölmiðla-, friðar- og ungmennasamtaka í dómnefnd sem velur 23 verðlaunahafa og einn sem hlýtur aðalverðlaunin, sem eru peningaverðlaun.

Á myndinn má sjá Láru Kristínu ásamt Guðrúnu Dóru myndmenntakennara og Önnu Guðrúnu og Ernu frá Lions.

Við óskum Láru Kristínu til hamingju með viðurkenninguna!