Þrauta-og leikjadagur sem vera átti á morgun, þriðjudag, fellur niður um óákveðin tíma vegna smits sem kom upp í skólanum.

Í gær fóru nemendur í 7.bekk í skólabúðirnar á Reykjum. Á hverju ári fara nemendur 7.bekkjar á Reyki og það er alltaf mikil tilhlökkun að komast á Reyki. Ferðin norður gekk vel og áttu nemendur frábæran dag

Í síðustu viku fóru nemendur í 6. bekk í hjólaferð að Vífilsstaðavatni í hressandi veðri. Þar fengu þeir skemmtilega fræðslu frá Bjarna Jónssyni fiskifræðingi um lífríki vatnsins. Nemendur skemmtu sér mjög vel þrátt fyrir veðrið. Smápöddur úr vatninu...

Skrímslalestur stendur yfir allan októbermánuð á bókasafninu. Nemendur sem vilja taka þátt fá bókamerki sem gatað er í eftir hverja lesna bók. Eftir fimm lesnar bækur fá þau límmiða í verðlaun og eftir tíu fá þau viðurkenningarskjal.

Myndataka á vegum Skólamynda verður í dag, fimmtudag og föstudag. Teknar verða einstaklingsmyndir og hópmyndir af öllum árgöngum.

Í dag, þriðjudag, er gul veðurviðvörun frá veðurstofunni. Viðvörunin gildir frá kl.13 og til miðnættis. Nánari upplýsingar má finna á vef Almannavarna og Veðurstofunnar

Í hverri viku fara nemendur í 1.bekk í útikennslu í nágrenni skólans. Börnin læra að klæða sig eftir veðri og fara gjarnan með heitt kakó á brúsa með sér í útikennsluna. Á myndasíðunni eru komnar nýjar myndir af krökkunum í útikennslu í Gálgahrauni...

Appelsínugul veðurviðvörun er í gildi í dag þriðjudag frá 13:30 – 17:00.

Krakkarnir í Sjálandsskóla eru öllu vanir þegar kemur að vondu veðri í útikennslu. Síðustu daga hafa nemendur í 4.og 5.bekk verið að æfa sig í að vera úti í vondu veðri og bjuggu til skýli í skóginum til að geta borðað nestið sitt úti

Nemendur í 8. bekk eru að læra um sveppi og fléttur í þemu. Í dag, á degi íslenskrar náttúru, skoðuðu þeir ýmsar tegundir af sveppum, sem þeir áttu að teikna, greina í viðeigandi hópa og skoða síðan í smásjá.

Nemendur í 7.bekk eru núna að vinna í þema um mannslíkamann. Þeir vinna fjölbreytt verkefni, bæði í bókum, verklega og í tölvum. Í dag voru nemendur að vinna með app og boli þar sem hægt er að sjá líffærin í þrívídd

Á þriðjudaginn fóru nemendur í 3.bekk í strætóferð á Þjóðminjasafnið á sýninguna Tíminn flýgur. Nemendur fengu leiðsögn gegnum safnið og sáu margt fróðlegt og skemmtilegt.