Í tengslum við þemað um lífið í sjónum þá fóru nemendur í 4.bekk á hvalasýningu í vikunni. Þar fengu krakkarnir fræðslu um ýmsar hvalategundir.

Í gær fóru nemendur í 7. bekk í hjólaferð í Kópavog. Ferðin gekk vel og nemendur skemmtu sér saman í góða veðrinu eins og sjá má á myndunum á myndasíðu 7.bekkjar.

Í dag byrjuðu nemendur í unglingadeild að vinna við vorverkefnin sín en þá er hefðbundinni kennslu lokið og nemendur vinna sjálfstætt við sín verkefni. Valgreinar halda sér þó áfram til 3.júní.

Í dag fengu strákarnir í 9. bekk skemmtilega kynningu og innsýn inn í störf hjúkrunarfræðinga og sjúkraliða. Í heimsókn komu fjórir karlkyns hjúkrunarfræðingar sem sýndu þeim fjölbreytileika hjúkrunarstarfsins á skemmtilegan hátt í vinnusmiðjum

Í þessari viku fóru nemendur í 3.og 4.bekk í skemmtilegar ferðir í útikennslu. Nemendur í 3.bekk fóru í sveitarferða á Hraðastaði í tenglsum við húsdýraþema sem krakkarnir hafa verið að vinna með.

Nemendur í 5. bekk fengu góða heimsókn í vikunni frá Lionsklúbbnum Eik. Nemendurnir tóku þátt í vímuvarnarhlaupi í tilefni af vímuvarnardeginum í brakandi blíðu