Sjálandsskóli fékk verðlaun fyrir etwinning-verkefni
Í vetur fékk etwinning verkefni 1.-.2.bekkjar í Sjálandsskóla verðlaun fyrir verkefnið "Treasure Island" sem nemendur og kennarar hafa verið að vinna við síðan haustið 2011.
Sjálandsskóli fékk styrk frá Menntaáætlun ESB fyrir árin 2011 – 2013 til að taka þátt í Comeniusar- verkefni sem ber heitið Treasure Island. Nemendur í 1. og 2. bekk, ásamt umsjónarkennurum, listgreinakennurum og tónmenntakennara tóku að sér að vinna þetta verkefni sem grunnskólar frá 8 Evrópuþjóðum eru þátttakendur í.
Megin áherslan er á vatnið og nauðsyn þess fyrir menn, dýr og plöntur.
Nemendur hafa meðal annars fylgst með notkun vatns í skólanum og leitað leiða til að spara vatnið. Þeir hafa lært lög um vatn á tungumálum samstarfsaðila og tekið þátt í lestrarátaki. Nemendur hafa fengið tækifæri til að æfa sig í ensku þar sem þeir hafa haft sameiginlega fundi (Flashmeetings) með samstarfsaðilum. Samskiptatungumálið er enska.
Fyrir áramót fékk verkefnið viðurkenningu bæði eTwinning Quality Label og líka European Quality Label
