Undanfarnar vikur hafa nemendur í 1.og 2.bekk verið að undirbúa leiksýningu á Dýrunum í Hálsaskógi. Í kvöld kl.16:30 sýna þau leikritið fyrir foreldra og í morgunsöng í fyrramálið fyrir nemendur skólans.

Á morgun, miðvikudag, er spáð slæmu veðri og viljum við biðja foreldra að fylgja börnunum að skólanum ef það verður mjög hvasst.

Krakkarnir okkar komu í fréttatíma RÚV í vikunnai þegar sagt var frá prjónaverkefninu sem nemendur, foreldrar og starfsfólk skólans taka nú þátt í. Prjónaðar eru húfur handa flóttabörnum frá Sýrlandi. Hægt er að sjá viðtöl og myndir á Sarpinum:

Skólastjórnendur vilja minna nemendur og foreldra á reglur sem gilda um notkun snjalltækja í Sjálandsskóla. Í gær fengu foreldrar póst frá skólastjórnendum varðandi snjallsíma notkun og viljum við benda foreldrum á að lesa bréfið vel.

Á morgun, fimmtudag 2.febrúar, er foreldra-og nemendaviðtalsdagur. Foreldarar panta viðtalstíma beint í gegnum Námfús og hafa allir fengið póst frá umsjónarkennara um hvernig það er gert. Sælukot er opið fyrir þau börn sem þar eru skráð.