Í dag kom Sævar Helgi Bragason stjörnufræðingur í heimsókn í Sjálandsskóla. Hann fræddi nemendur á öllum stigum um stjörnufræði og plánetur. Fyrst hitti hann nemendur í 1.-4.bekk, síðan nemendur unglingadeildar og að lokum nemendur á miðstigi.

Starfsfólk Sjálandsskóla hafa verið að jólaskreyta hjá sér undanfarna daga og hafa nemendur tekið eftir glæsilega skreyttum hurðum á vinnuherbergjum kennara.

Í morgun kom rithöfundurinn Þorgrímur Þráinsson í heimsókn í morgunsöng. Hann las upp úr bók sinni ​Henrý hittir í mark, sem fjallar um strákinn Henrý sem er lukkudýr íslenska landsliðsins í fótbolta.

Í morgun voru nemendur með kynningu í salnum um fullveldi Íslands í tilefni dagsins, 1.desember. Þar sögðu nemendur frá sjálfstæðisbaráttunni, danska konungnum og fullveldi Íslands. Að lokum sungu allir saman íslenska þjóðsönginn.