Í dag fengum við góðan gest í heimsókn í 3.-7.bekk þar sem Ævar vísindamaður kom og las upp úr nýjustu bók sinni, Þín eigin hrollvekja. Nemendur hlustuðu spenntir á upplesturinn og spurðu spurninga í lokin

Í dag hófst vinavika hjá okkur í Sjálandsskóla og munu nemendur vinna ýmis verkefni tengd vináttu og einelti. Í morgun kom Vanda Sigurgeirsdóttir og fjallaði um einelti, hlutverk áhorfenda, vináttu og um jákvæða og neikvæða leiðtoga.

Á morgun koma krakkarnir í 7.bekk heim frá Reykjum þar sem þau hafa dvalið í skólabúðum alla vikuna. Það hefur verið líf og fjör hjá þeim og allt gengið vel.

Nú eru komnar margar nýjar myndir frá 1. og 2.bekk inn á myndasíðu skólans. Þar má m.a.sjá myndir af Halloween ballinu hjá 1.og 2.bekk.

Í dag var haldin rýmingaræfing þar sem æfð voru viðbrögð við eldsvoða. Allir nemendur og starfsfólk skólans og íþróttahússins yfirgáfu bygginguna þegar brunabjallan fór í gang. Æfingin gekk vel og það tók 3 mínútur að rýma skólann.

Krakkarnir í þriðja og fjórða bekk hafa í haust verið að læra um Garðabæ. Í tónmennt voru sungin lög og textar eftir Garðbæinga. Einn þeirra er Sveinbjörn Egilsson sem átti heima á Álftanesi á nítjándu öldinni og samdi vögguvísuna Sofa urtubörn.

7. bekkur dvelur á Reykjum í Hrútafirði þessa vikuna í góðu yfirlæti. Við komum hingað um hálf tólf í gær og allir fengu þá úthlutað herbergi og nemendur komu sér fyrir.

Nú eru komnar myndir á myndasíðuna frá kajakferð 7.bekkjar í síðustu viku.

Í dag fer 7.bekkur í skólabúðir á Reyki. Krakkarnir verða þar alla vikuna og koma aftur á föstudag. Hægt er að fá nánari upplýsingar um skólabúðirnar Reykjum á heimasíðu þeirra

Í vikunni fóru nemendur í 1.bekk í heimsókn á Náttúrufræðistofnun Kópavogs þar sem þau skoðuðu ýmis uppstoppuð dýr, s.s. sjávardýr og fugla. Krakkarnir voru mjög áhugasamir eins og sjá má á myndunum sem kennararnir tóku í heimsókninni.

Það er mjög mikilvægt fyrir framfarir barnanna í sundi að þau komi með sundgleraugu í hvern einasta sundtíma. Þetta gildir jafnt í 10. bekk sem í 1. bekk.

Í dag var sólgleraugnadagur hjá okkur í Sjálandsskóla og þá mættu margir með sólgleraugu. Í hverjum mánuði erum við með einn tyllidag þar sem við bregðum út af venjunni á skemmtilegan hátt.