Á föstudaginn (7.júní) voru skólaslit hjá 1.-9.bekk og á fimmtudagskvöld hjá 10.bekk. Á myndasíðunni eru komnar myndir frá skólaslitunum.

Í síðustu viku fóru nemendur í 9.bekk í vorferð í Skorradal. Þar gistu þeir eina nótt og var líf og fjör eins og sjá má á myndunum á myndasíðu 9.bekkjar

Í gær fóru nemendur 1.-7.bekkjar í fjallgöngu á Esjuna. Hópnum var skipt í þrennt og var farið í miserfiðar göngur. Að lokinni fjallgöngu fóru nemendur með rútum aftur í skólann þar sem innilegan tók við

Á morgun þriðjudaginn 4.júní kl.17 verður kór Sjálandsskóla með tónleika í sal skólans. Aðgangseyrir er kr.300. Allir eru velkomnir og við hvetjum alla til að bjóða foreldrum, ömmum, öfum, ættingjum og vinum á þessa frábæru tónleika.

Á miðvikudag er fjallganga og innilega hjá 1.-7.bekk. Allar nánari upplýsingar voru sendar foreldrum en þær má einnig finna á heimasíðunni. Þar má finna upplýsingar um fjallgöngu á Esjuna, útbúnaðarlista, tímasetningar o.fl.

Í gær fóru nemendur í 7.bekk á kajak með Helga skólastjóra. Veðrið var fjölbreytt og fengu sumir hóparnir sól og blíðu en aðrir haglél og rok. En krakkarnir létu það ekki á sig fá og skemmtu sér vel

I morgun fékk 5.-6.bekkur gesti frá Lionsklúbbnum Eik sem stóðu fyrir Vímuvarnarhlaupinu sem 5. bekkur tók þátt í. Andrea Sif Pétursdótir íþróttakona Garðabæjar spjallaði við þau um sinn feril og mikilvægi þess að stunda æfingar af samviskusemi og...

Í dag sýndi 7.bekkur leiksýningu sem byggir á bókinni Frá Róm til Þingvalla. Leikritið fjallar um nokkra atburði í mannkynssögunni og sögusviðin eru Róm, Egyptaland, Ísland og Noregur.

3.-4. bekkur er í þema um fiska umhverfis Ísland og eru þau búin að nýta útikennsluna í þetta skemmtilega þema. Þau krufu m.a. ýmsar fiskitegundir, krítuðu fiska í raunstærð, bjuggu til báta og grilluðu fisk með grænmeti í Gálgahrauni.

Í dag fengu nemendur í 1.bekk endurskinsvesti frá Landsbjörgu. Slysavarnarfélagið Landsbjörg gefur öllum skólum á landinu endurskinsvestin til að nota í vettvangsferðum barna í 1.bekk

Í síðustu viku komu tveir tónlistarkennarar frá Tónlistarskóla Garðabæjar og kynntu starfsemi skólans fyrir nemendur í 1.-4.bekk. Þeir spiluðu á básúnu og klarinett og Emil Snær, nemandi í 9.bekk spilaði einnig á trompet.

Í hverjum mánuði eru veitt verðlaun þeim bekkjarhópi sem stendur sig best í sorpflokkun og verðlaun fyrir aprílmánuði fengu 1.-2.bekkur. Þau fengu í verðlaun súkkulaðiköku sem þau snæddu í nestistímanum í dag.