Í morgun sýndu nemendur í 3.bekk brúðuleikhús þar sem tekin voru fyrir þrjú þekkt leikrit eftir sögum Astrid Lindgren, Lína Langsokkur, Emil í Kattholti og Ronja Ræningjadóttir. Krakkarnir bjuggu til leikmynd og leikbrúður

Í dag var haldin starfamessa í unglingadeild þar sem nokkrir foreldrar og aðrir komu og kynntu sitt starf. Þar voru m.a.hjúkrunarfræðingur, smiður, bifvélavirki, kokkur, skipulagsfræðingur, píanókennari, tölvufræðingur og slökkviliðsmaður.

Í dag voru nemendur í 4.bekk með tónlistaratriði í morgunsöng. Þeir spiluðu og sungu lagið Little Talks eftir hljómsveitina The Monsters and Men. En undanfarið hafa þau verið að vinna með tónlist í tónmennt eftir skáld úr Garðabænum

Í dag var gleðidagur í Sjálandsskóla og það var jafnframt síðasti dagur vinavikunnar. Nemendur komu með veitingar á hlaðborð og margir komu spariklæddir.

Í dag, föstudaginn 8. nóvember, heimsótti tónlistarmaðurinn Jón Jónsson 8. bekk í Sjálandsskóla. Undanfarin ár hefur Jón sinnt forvarnarverkefni í samstarfi við Krabbameinsfélagið þar sem áherslan er lögð á skaðsemi rafrettna og heilbrigðan lífstíl.

Í vinavikunni gera starfsmenn ýmislegt sér til skemmtunar og eitt af því var að skipta um hlutverk í eina kennslustund. Dregið var um hlutverk og þurftu margir að setja sig í spor kennara, stuðningsfulltrúa, skólaliða eða stjórnenda.

Vinavikan í Sjálandsskóla verður haldin 4. – 8. nóvember 2019. Þá eru allir hvattir til að veita vináttu sérstaka athygli, en vikunni lýkur á gleðidegi á degi gegn einelti 8. nóvember.

Í síðasta mánuði hófst námsaðstoðin á bókasafni Garðabæjar á ný. Sjálfboðaliðar Rauða krossins taka á móti nemendum og aðstoða við nám á fimmtudögum kl. 15-17. Námsaðstoðin er fyrir öll börn í 1. til 10. bekk.

Í síðustu viku voru nemendur í 3. bekk með Línuleika á skólalóðinni. Þar voru þeir að prófa ýmsa leiki sem Lína Langsokkur getur gert. Tókust Línuleikarnir vel og voru allir ánægðir.

Undanfarið ár hefur verið í undirbúningi að innleiða verkefnið „Börnin bjarga“ í heilsuvernd skólabarna. Verkefnið gengur út á að kenna nemendum í 6. – 10. bekk markvisst og árlega endurlífgun. Kennslan er í formi fyrirlesturs og verklegrar kennslu...

Nú eru komnar nokkrar myndir frá 4.bekk inn á myndasíðu skólans. Þar má m.a.finna myndir úr útikennslu, þemavinnu og búðarleik, en þar voru nemendur í stærðfræðitíma að æfa sig að versla með peningum, leggja saman og gefa til baka

Nemendur í 6. bekk hafa undafarnar vikur verið að fræðast um Ísland í þema. Unnin voru bæði einstaklingsverkefni og hópaverkefni. Hver hópur fékk einn landshluta sem þau kynntu sér betur, útbjuggu kynningu og þæfðu landshlutann með ull. Útkoman var...